Қазақстанда «Өрт–2026» оқу-жаттығулары өтеді
2026 жылғы өрт қаупі жоғары кезеңге дайындық аясында ҚР Төтенше жағдайлар министрлігімен бірлесіп «Өрт–2026» республикалық командалық-штабтық оқу-жаттығуы ұйымдастырылады. Оқу-жаттығудың тақырыбы – азаматтық қорғаудың мемлекеттік жүйесінің басқару органдары, күштері мен құралдарын 2026 жылғы өрт қауіпті кезеңдегі төтенше жағдайларды жоюға дайындау.
«Аталған оқу-жаттығуды мамыр айының соңында Қостанай облысы Алтынсарин ауданына қарасты Красный Кордон ауылы маңында өткізу жоспарланған. Іс-шара аясында Алтынсарин ауданындағы Докучаево ауылы мен Сарыкөл ауданындағы Урожайное ауылынан «Ауыл құтқарушылары» өрт сөндіру бекеттерін тарту көзделіп отыр», - деді ҚР ЭТРМ Орман шаруашылығы және жануарлар дүниесі комитеті төрағасының м.а. Мақсат Елемесов.
