Вице-министр денсаулық сақтау саласындағы цифрландырудың негізгі бағыттарын атап өтті
Ербол Оспановтың айтуынша, бүгінде медицина саласында бірқатар өзекті мәселелер бар. Оларды шешу мақсатында алты бағыт бойынша жұмыс жүргізіліп жатыр. Бірінші, денсаулық сақтау саласы ресурстарының қолданыстағы ақпараттық жүйелерін модернизациялау. Екінші, жалпы медициналық ақпараттық жүйелерді жетілдіру, заманға сай талаптарға келтіру. Үшінші, азаматтардың медициналық деректерін бір дерекқорға жинау.
«Сондай-ақ медициналық ұйымдарға көрсетілген көмек ақысын сапалы және уақтылы төлеуді қамтамасыз ету. Маңызды бағыттардың бірі – интеграция және денсаулық сақтау саласының бірыңғай порталын енгізу», - деді спикер ОКҚ алаңында өткен баспасөз конференциясында.
Қазіргі уақытта Денсаулық сақтау министрлігінде 17 мемлекеттік және 20 астам жеке меншік ақпараттық жүйе қолданылуда.
