Түркістан облысында туризм саласын дамыту үшін 3 негізгі бағыт айқындалды
Бұл туралы ОКҚ алаңында өткен баспасөз конференциясында облыс әкімі Дархан Сатыбалды хабарлады.
Экологиялық туризм бағыты бойынша табиғи аумақтарға келушілер саны 2 есеге артқан. Жалпы, 99 демалыс орны, 62 қонақ үй, 12 шипажай орналасқан, 30 туристік маршрут құрылды. Емдік-сауықтыру туризмі бағытымен облыста 72 емдеу-сауықтыру орны жұмыс істейді. 142 мың адамға қызмет көрсетілді. Бұл алдыңғы жылмен салыстырғанда 21%-ға артық. Биыл қосымша 3 емдеу-сауықтыру кешенін пайдалануға беру жоспарлануда. Тарихи-танымдық туризм бағыты бойынша жыл басынан өңірге біркүндік келушілер саны 868 мың адамды құрады.
«Қазіргі таңда Түркістан қаласында нөмірлік қоры 2,5 мың төсек-орындық 58 орналастыру орны жұмыс істейді. Қосымша 5 қонақ үйдің құрылысы жүргізілуде. Сонымен қатар туристік нысандарды қажетті инфрақұрылыммен қамтамасыз ету мақсатында жалпы құны 34,4 млрд теңгені құрайтын 10 жоба іске асырылуда», - деді облыс басшысы.
Дереккөз: ortcom
