Петропавлда су тасқынынан зардап шеккендер үшін жаңа шағын аудан салынды
Жаң «Бірлік» шағын ауданында 700 отбасы тұрып жатыр. Балабақша ашылып, мектеп салу жоспарланған, деді Солтүстік Қазақстан облысының әкімі Ғауез Нұрмұхамбетов ОКҚ алаңында өткен баспасөз конференциясында.
Оның айтуынша, су тасқынынан зардап шеккендер үшін 1 394 пәтер сатып алынды. Барлық аудандарда ұйымдастырылған механикаландырылған бригадалар жазғы кезеңде 241 үйді қалпына келтіріп, 2 мыңнан астам апатты үйді қиратты. Меншік иелері 1 658 үйді өз бетінше жөндеді.
«Ақшалай өтемақы толық көлемде төленді. Барлығы баспана алды. Зардап шеккен әрбір тұрғынға жөндеуге өтемақы төленді», – деді Ғауез Нұрмұхамбетов.
СҚО басшысы қазіргі уақытта қалалық су арнасының бірінші көтергіш сорғы станциясын қайта құру жобасы жүзеге асырылып жатқанын айтты. Жаңа жабдықтар жеткізіледі, құрылыс-монтаждау жұмыстары жүргізіледі. Тұрақты электр қуатымен жабдықтау үшін жерасты кабелі де тартылды. Станцияның айналасындағы бөгет нығайтылды.
