Костенко атындағы шахтада қаза тапқан шахтерлердің отбасыларына қандай көмек көрсетілді
ОКҚ алаңында өткен баспасөз конференциясында Ермағанбет Бөлекпаев мемлекет тарапынан барлық қажетті материалдық қолдау көрсетілгенін атап өтті.
дереккөз: ortcom.kz
«Барлық 46 отбасы жерлеуге арналған біржолғы төлем алды, кәмелетке толмаған және 23 жасқа дейінгі жоғары оқу орындарында оқитын балалары бар 20 отбасына асыраушысынан айрылу жағдайы бойынша мемлекеттік материалдық жәрдемақы тағайындалды. АМТ тарапынан 44 отбасына 10 жылдық жалақы төленді, қаза тапқан кеншілердің, олардың жұбайларының, ата-аналары мен балаларының несиелері өтелді. Сондай-ақ, компания әр отбасы мүшесіне кемінде 18 шаршы метр пайдалы алаң есебінен пәтер сатып алады. Сондай-ақ 18 жасқа дейінгі балаларға сақтандыру төлемдері төленеді», - деді Қарағанды облысының әкімі.
Оның айтуынша, зардап шеккен 4 адам медициналық мекемелерде қажетті медициналық көмек алуда.
дереккөз: ortcom.kz
