ҰҚК: Қазақстандық азамат радикалды идеялардан түңіліп, тұтқынға берілді
10 қараша күні ҰҚК қызметкерлері Сирияда 2013 жылдан бері лаңкестік топтардың құрамында болған Қазақстан Республикасының азаматын Түркиядан Қазақстанға жеткізді.
фото: zakon.kz
11 қарашада Ұлттық Қауіпсіздік Комитетінің баспасөз қызметі таратқан мәлімдемеде оның радикалды идеялардан түңіліп, лаңкестік әрекеттерден өз еркімен бас тартқаны, Түркияға қоныс аударып, отанына оралу үшін билікке бағынуға шешім қабылдағаны айтылған.
«Ол өзінің үлгісі арқылы лаңкестік әрекет одан әрі болуының бекер екенін көрсеткісі келді. Қазақстанға келгеннен кейін ол қамауға алынды»,- Қазақстан Республикасының Ұлттық Қауіпсіздік Комитетінің баспасөз қызметі.
Сондай-ақ оның үстінен Қылмыстық кодекстің 257-бабы (Террористтік топ құру, оған жетекшілік ету және оның қызметіне қатысу) бойынша қылмыстық іс тергеліп жатқаны айтылды. "Тергеу барысында өз еркімен берілу фактісі ескерілетін болады", - деп Ұлттық Қауіпсіздік Комитеті қорытындылады. 2023 жылдың 31 қазанында ҰҚК қызметкерлері полиция қызметкерлерінің көмегімен Алматы облысының тұрғынын ұстады. Ведомствода ұсталған азамат лаңкестік идеяларды үгіттеумен айналысты деген күдікке ілінгенін түсіндірді.
Дереккөз: zakon.kz
