Цифрлық кодекс: адам құқықтары, қауіпсіздік және цифрлық орта ережелері
Биыл 9 қаңтарда Мемлекет басшысы ҚР Цифрлық кодексіне қол қойды. Құжат 7 бөлімнен тұрады және цифрлық ортаның объектілері мен субъектілерін реттеп, құқықтық қатынастардың бірыңғай тәртібін қалыптастырады. ҚР Парламенті Мәжілісінің депутаты Екатерина Смышляева атап өткендей, Кодекстің негізгі мақсаты – адамның цифрлық ортада қауіпсіздікте болуын қамтамасыз ету.
«Кодексте алғаш рет цифрлық ортада адам құқықтарын қорғау мәселелеріне арналған жеке тарау көзделген. Ол үш негізгі блоктан тұрады. Бірінші блок сәйкестендіруге байланысты. Цифрлық ортаға енген кезде біз өзімізді сәйкестендіреміз. Бірақ бірқатар себептер мен жағдайларға байланысты бұл мүмкін болмауы мүмкін: техникалық тұрғыдан немесе құзыреттілік жеткіліксіз болса және т.б. Мұндай жағдайларда адамда әрқашан өзін-өзі сәйкестендіруге балама әдіс болуы керек, оның ішінде цифрлық емес жолмен. Екінші мәселе – цифрлық сәйкестілік – бұл біз туралы мәліметтер жиынтығы, яғни, цифрлық ортада пайда болатын, цифрлық ортада сақталатын ақпарат, осы деректер жиынтығын қорғау қажет», – деді спикер ОКҚ алаңында өткен баспасөз конференциясында.
Сонымен қатар, Кодексте дербес деректерді жою, азайту, өңдеуді шектеу құқығы қарастырылған. Сондай-ақ, «азаматтың цифрлық кеңістігі» және «цифрлық оқиғалар» сияқты ұғымдар енгізілді.
