"Бір-бірімізді жолықтырдық": Жігер Ауыпбаев өзін сынағандарға жауап берді
Өнер иесі жеке парақшасында жазба жариялады.
"Меломен" тобының экс-мүшесі Жігер Ауыпбаев өзінен 15 жас кіші қызбен көңіл жарастырды дегендерге жауап қатты.
"Адамның көзі тірі кезінде сөзден аманы жоқ, өлгеннің жаманы жоқ…! Біреуі “педофил…” дейді, Біреуі “теңің емес…” дейді, Біреуі “папасы сияқты…”дейді, Біреуі қарғайды… Біреуі көреалмаушылықтан арам ниетпен, ардан безіп, Құдайдың қаһарынан аттап өтіп сырттан сиқыр жасайды…” – деп жазды ол.
Одан кейін өнер иесі махаббатын кездестіргенін жасырмады.
"Бұлардың барлығы Алланың жүрекке салған махаббатымен бір-бірімізді жолықтырғанымыздың қасында түкке тұрғысыз әңгімелер. Хейт жаза беріңіздер… Сыртымнан ғайбат айта беріңіздер… Ақыреттік амал дәптерлеріңізді қандай амалға толтырамын десеңіздер де өздеріңіз білесіздер. Ал мен Алланың қалауымен ары қарай жылжи беремін”, – деп жазды ол.
