Балалы отбасылар әрқашан бақылауда болады – еңбек вице-министрі
Бүгінгі күні әрбір балалы отбасының құқықтары мен заңды мүдделерін қорғау ҚР мемлекеттік саясатының негізгі бағыттарының бірі болып табылады. Соның ішінде ЕХӘҚМ өз құзыреті аясында балалы отбасыларды қолдау бағыты бойынша қолдау көрсетеді.
Дереккөз: ortcom.kz
Жалпы, бір жылда ел бойынша 2,5 млн жуық балалы отбасы тиісті мемлекеттік жәрдемақы алады. Бұл туралы ОКҚ алаңында еңбек және халықты әлеуметтік қорғау вице-министрі Ербол Оспанов мәлімдеді.
Оның айтуынша, мемлекет тарапынан 7 түрлі жәрдемақы төленеді. Оған бюджеттен жыл сайын қаржы бөлінеді. «2023 жылы бұл көрсеткіш 1,3 трлн теңгені, ал 2022 жылы 900 млрд астам, 2021 жылы 600 млрд астам құраған. Бұл қаражат жыл сайын өсіп келеді», - деді спикер өткен баспасө конференциясында.
Дереккөз: ortcom.kz
