Алдағы 6 жылда 65 жоба іске қосылып, 9 мыңға жуық жаңа жұмыс орны ашылады – Қызылорда облысының әкімі
Қызылорда облысы экономикалық дамудың макрокөрсеткіштері бойынша оң динамика қалыптасып, 10 айдың қорытындысымен өңірлер арасында көшбасшылар қатарынан көрінді. Бұл туралы өңір әкімі Нұрлыбек Нәлібаев ОКҚ алаңында өткен баспасөз конференциясында хабарлады.
«Есептік кезеңде өңдеу өнеркәсібі – 24,2%-ға, ауыл шаруашылығы – 2,6%-ға, құрылыс жұмыстарының көлемі – 21,2%-ға, тұрғын үй – 16,7%-ға, сауда 4,3%-ға, көлік және қоймалау көлемі – 8,8%-ға, негізгі капиталға тартылған инвестиция – 27,7%-ға артты, жеке инвестициялар – 34,6%-ға өсті. Облыстың даму бюджетінің көлемі өткен жылмен салыстырғанда 2,5 есеге артты», - деді спикер. (Дереккөз: ortcom)
6
